Reon var stofnað 2011 og sérhæfir sig í þróun stafrænna lausna og nýsköpun. Hjá fyrirtækinu starfa nú 25 sérfræðingar með þverfaglega þekkingu á hugbúnaði, tækni- og viðskiptaþróun. 

Rósa Dögg hefur síðastliðin fjögur ár starfað sem þróunarstjóri Reon og setið í framkvæmdastjórn félagsins undanfarin þrjú ár. í starfi sínu hefur hún stýrt stafrænum verkefnum fyrir mörg af stærstu fyrirtækjum landsins, meðal annars fyrir Festi, Vörð og Byko auk opinberra stofnana. Hún hefur sömuleiðis sinnt vörustýringu fyrir eigin vörur Reon, til dæmis snjallforritið Team Health og áskriftarkerfið Vefáskrift. Þá situr hún einnig í stjórn Reon Ventures sem fjárfestir í og aðstoðar sprotafyrirtæki á hugmyndastigi. Hún mun í nýju starfi leiða stefnumótun fyrirtækisins, skerpa á framtíðarsýn þess og fylgja nýjum og eldri viðskiptavinum í ferlum Reon.

Rósa er með B.S. gráðu í Iðnaðarverkfræði frá Háskóla Íslands. Hún er í sambúð með Ásþóri Tryggva Steinþórssyni verkfræðingi og saman eiga þau einn son.

Elvar Örn Þormar, fráfarandi framkvæmdastjóri og einn stofnenda Reon mun í framhaldinu leiða fjárfestingastarfsemi fyrirtækisins.

Hægt að lesa fréttina á vísi; https://www.visir.is/g/20212189836d